१० अशोज २०७६ , शुक्रबार

नेपाल क्यान्सर हस्पिटल र सांग्रिला डेभलपमेन्ट बैंकबीच सम्झौता

काठमाडौं : सांग्रिला डेभलपमेन्ट बैंकका कर्मचारी, कर्मचारीका परिवार, बैंकको डेबिट कार्डवाहक तथा बैंकका सम्पूर्ण ग्राहकले नेपाल क्यान्सर हस्पिटलमा उपचार गराउँदा विभिन्न सेवामा १० प्रतिशतसम्मको छुट पाउने भएका छन्।

नेपाल क्यान्सर हस्पिटल र बैंकबीच सम्झौता भएको हाे। सम्झौतापत्रमा हस्पिटलको तर्फबाट कार्यकारी अध्यक्ष डा. सुदीप श्रेष्ठ र बैंकको तर्फबाट प्रमुख कार्यकारी अधिकृत सुयोग श्रेष्ठले हस्ताक्षर गरेका हुन्।

देशभर बैंककाे ८७ वटा शाखा छन्। याे सम्झौतासँगै बैंकका कर्मचारी तथा ग्राहकले नेपाल क्यान्सर हस्पिटलले प्रदान गर्ने स्वास्थ्य सम्बन्धी विभिन्न उपचारहरूमा छुट पाउने बताइएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।