२ अशोज २०७६ , बिहिबार

गण्डकी मेडिकल कलेजका विद्यार्थी आन्दोलित

पोखरा : गण्डकी मेडिकल कलेजका विद्यार्थी पुनः आन्दोलनमा उत्रिएका छन्। आफूहरूसँग लिएको अवैधानिक शुल्क फिर्ता गर्न शिक्षा मन्त्रालयले दिएको निर्देशन निजी मेडिकल कलेजले नमानेको भन्दै विद्यार्थीहरू आन्दोलित भएका हुन्।

विद्यार्थीहरुले सात दिनदेखि गण्डकी मेडिकल कलेजको पढाइ ठप्प गरेको चिकित्सा शिक्षा संघर्ष समितिले जनाएकाे छ।

कलेजले विभिन्न संकायका विद्यार्थीलाई एक पक्षीय वार्तामा बोलाई विभिन्न तर्क गरी परीक्षामा असफल बनाउने र विद्यार्थीबीच द्वन्द्व उत्पन्न गराइराखेको भन्दै यस्तो नगर्न चिकित्सा समितिले कलेजलाई चेतावनी दिएको छ।

कलेजले लिने अवैधानिक शुल्कविरुद्ध गत माघमा पनि गण्डकी मेडिकल कलेजमा विद्यार्थीहरुले आन्दोलन गरेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।