१ अशोज २०७६ , बुधबार

‘डा‍. अग्रवाललाई दुर्व्यवहार गर्नेमाथि कारबाही खै?’

काठमाडौं : चिकित्साशास्त्र अध्ययन संस्थानले आफ्ना डिन प्रा.डा. जगदीशप्रसाद अग्रवाललाई दुर्व्यवहार गर्नेमाथि कारबाही नभएको भन्दै आपत्ति जनाएको छ।

घटना भएको ७२ घण्टा भइसक्दा पनि सम्बन्धित निकायबाट उचित कदम नउठाइएको र दोषीलाई नियन्त्रणमा नलिएको भन्दै संस्थानमा कार्यरत चिकित्सकहरूले बुधबार हातमा कालो पट्टी बाँधेर काम गरे।

संयोजक डा. गोपाल सेढाईँद्वारा हस्ताक्षरित विज्ञप्तिमा दोषीलाई चाँडोभन्दा भन्दा चाँडो कारबाही गर्न आग्रह गरिएको छ। सरकारले ठोस कदम नउठाए आन्दोलनका कार्यक्रम अघि बढाउने चेतावनीसमेत संस्थानले दिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।