३१ भदौ २०७६ , मङ्लबार

स्वास्थ्य चौकी नगरपालिकालाई हस्तान्तरण

भक्तपुर : सुडाल स्वास्थ्य चौकी चाँगुनारायण नगरपालिकालाई हस्तान्तरण गरिएको छ। भूकम्पबाट क्षतिग्रस्त स्वास्थ्य चौकी भूकम्प प्रतिकार्य कार्यक्रमअन्तर्गत नेपाल रेडक्रस सोसाइटीको पहल र ब्रिटिस रेडक्रसको सहयोगमा निर्माण भएको हो।

चाँगुनारायण नगरपालिका वडा नं. ८ स्थित स्वास्थ्य चौकी एक करोड ५६ लाख ७१ हजार रुपैयाँ लागतमा निर्माण भएको हो। प्रदेश ३ का सामाजिक विकासमन्त्री युवराज दुलालले नगरपालिकालाई स्वास्थ्य चौकी हस्तान्तरण गरे।

कार्यक्रममा नगरप्रमुख सोमप्रसाद मिश्रले स्वास्थ्य चौकीको ‘बर्थिङ सेन्टर’मा सुत्केरी गराए नगरपालिकाले दुई हजार आठ सय रुपैयाँ र शिशुलाई लुगा उपहार दिने जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।