आन्दोलनका कार्यक्रम फिर्ता लिन अनुरोध गर्दै सीएमसीले निकाल्याे विज्ञप्ति
चितवन: चितवन मेडिकल कलेजले बुधबार प्रेस विज्ञप्ति जारी गर्दै आन्दोलनरत कलेजका विद्यार्थीलाई आन्दोलनका सबै कार्यक्रम फिर्ता लिन अनुरोध गरेको छ ।
कलेजले जारी गरेको प्रेस विज्ञप्तिमा आन्दोलनका सबै कार्यक्रम फिर्ता गरी पठनपाठनमा लाग्न अनुरोध गरिएको छ । विज्ञप्तिमा शिक्षा मन्त्रालय एवं त्रिभुवन विश्वविद्यालयको निर्देशन पूर्ण रुपमा पालना गरिने पनि उल्लेख छ ।
यसैगरी कलेज प्रशासनले आन्दोलनका नाममा कलेजका प्रमुख सञ्चालक तथा अन्य सञ्चालकहरु माथि निम्नस्तरको गाली गलौज र धम्की दिने गरेकोमा भने आपत्ति जनाएको छ । आन्दोलनका नाममा स्वास्थ्य सेवा प्रवाह गर्ने अस्पतालमा होहल्ला गर्ने, सेवा प्रवाहमा बाधा व्यवधान खडा गर्ने जस्ता काम तत्काल रोकिनुपर्ने पनि विज्ञप्तिमा उल्लेख छ ।
विज्ञप्तिमा त्रिभुवन विश्वविद्यालयले बनाएका नीति नियम र शुल्कलाई कलेजले पूर्णपालना गर्ने प्रतिवद्धता समेत जनाइएको छ । कलेज सम्बन्धित मागमा वार्ता र संवादबाट समस्याको समाधान निकाल्न तयार भएको विज्ञप्तिमा उल्लेख छ ।
विभिन्न माग राखेर आन्दोलन गरिरहेका चितवन मेडिकल कलेजमा अध्ययनरत छात्र प्रकाश चन्दसहित १७ जना विद्यार्थी बुधबार बिहान पक्राउ परेपछि कलेजले विज्ञप्ति निकालेर आन्दोलन फिर्ता लिन आग्रह गरेको हो ।
विज्ञप्ति:
नेपाली औषधि कम्पनी म्याग्नस फार्मा अन्तर्राष्ट्रिय गुणस्तर अवार्डबाट सम्मानित
क्यान्सर बिजेताहरुको एउटै आवाज -‘क्यान्सरलाई जित्न सकिन्छ’
स्वास्थ्यमन्त्री मेहताले स्वास्थ्य पत्रकारसँग किन मागिन एकाएक सुझाव ?
नेपाल क्यान्सर अस्पतालले एक अर्बको लगानी थप्दै
अन्तर्राष्ट्रिय टेलिमेडिसिन सेवामा सहकार्य