२४ भदौ २०७६ , मङ्लबार

धादिङमा आत्महत्याविरूद्ध अभियान

धादिङ : जिल्लामा बर्सेनि आत्महत्याका घटना बढेपछि रोकथाम अभियान शुरु गरिएको छ।

विश्व आत्महत्या रोकथाम दिवस पारेर मंगलबार यो अभियान शुरु गरिएको हो। जिल्ला प्रहरी कार्यालय र सहयात्री समाजले नीलकण्ठ क्याम्पसबाट यो अभियान शुरु गरेको हो।

जिल्लामा विगत चार वर्षको तथ्यांकमा आत्महत्या गर्नेको संख्या बढेको देखिन्छ। आर्थिक वर्ष २०७२\७३ मा ६३, २०७३\७४ मा ७५, २०७४\७५ मा ९२ र २०७५\७६ मा ९४ ले आत्महत्या गरेका प्रमुख प्रहरी उपरीक्षक राजकुमार वैदवारले बताए।

प्रहरीको तथ्याङ्कअनुसार याे अवधिमा आत्महत्या गरेका ३२४ मध्ये पुरुष १८५ र महिला १३९ थि । तीमध्ये विवाहपछि आत्महत्या गर्ने ३०६ र अविवाहित अवस्थामै आत्महत्या गर्ने १८ थिए।

झुण्डिएर २१९, विष सेवन गरेर १०३ र अन्य कारणले दुई जनाले आत्महत्या गरेको प्रहरीले जनाएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।