११ भदौ २०७६ , बुधबार

उपचारका क्रममा थुनुवाकाे मृत्यु

महोत्तरी : जिल्लाको जलेश्वर कारागारमा रहेका एक थुनुवाको उपचारको क्रममा मृत्यु भएको छ। धनुषाको जनकपुर उपमहानगरपालिका–२ किशोरी नगर घर भएका ६७ वर्षीय देवनारायण ठाकुरको मृत्यु भएको हो।

उनी कर्तव्य ज्यान मुद्दामा २०७४ पुस ९ गतेदेखि जलेश्वर कारागारमा पुर्पक्षमा बस्दै आएका निमित्त जेलर मकसुदन महासेठले बताए।

थुनुवा ठाकुरको आज बिहान अचानक उच्च रक्तचाप भएर उपचारको लागि शान्ति सामुदायिक अस्पताल जलेश्वरमा पठाइएको थियो। उपचारका क्रममा बिहान ८ः४५ बजे उनको मृत्यु भएको हो ।

ठाकुरको शव आफन्तलाई बुझाउने तयारी भइरहेको कारागार कार्यालय महोत्तरीले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।