११ भदौ २०७६ , बुधबार

सामुदायिक विद्यालयलाई सेनेटरी प्याड र प्राथमिक उपचार बक्स

संखुवासभा : जिल्लाकाे खाँदबारी नगरपालिकाले सामुदायिक विद्यालयलाई सेनेटरी प्याड वितरण गरेको छ। खाँदबारी नगरपालिका कार्यालयले ४३ सामुदायिक सेनेटरी प्याडसहितका प्राथमिक उपचार बक्स वितरण गरेको हाे।

नगरभित्रका प्रधानाध्यापकहरूको मासिक बैठकको अवसरमा मंगलबार छात्रालाई सेनेटरी प्याड र प्राथमिक उपचारका सामग्रीसहितको किट बक्स वितरण गरिएको शिक्षा शाखा प्रमुख दीपकमणि घिमिरेले जानकारी दिए।

बक्समा सिटामोल, आँखामा लगाउने मलम, बान्ता रोक्ने औषधिसहित सेनेटरी प्याड रहेको छ। नगरपालिका कार्यालयले खरिद गरेको एउटा प्राथमिक उपचार बक्सको मूल्य १० हजार रुपैयाँ परेकाे नगरपालिकाले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।