८ भदौ २०७६ , आइतवार

महाकाली अञ्चल अस्पताललाई मर्करी चेम्बर

कञ्चनपुर : भीमदत्त नगरपालिकाले महाकाली अञ्चल अस्पतालको शवगृहलाई व्यवस्थित बनाउन मर्करी चेम्बर उपलब्ध गराएको छ।

नगरपालिका कार्यालय र नगरपालिकाको वडा नं. ८ ले पाँच–पाँच लाखका दरले रकम विनियोजन गरी दुई मर्करी चेम्बर उपलब्ध गराएको हो। अस्पतालको शवगृहमा मर्करी चेम्बरको व्यवस्था भएपछि शवलाई सहज रूपमा राख्न सजिलो भएको छ।

मर्करी चेम्बरको व्यवस्था नहुँदा शवगृहमा राखिएका शव गन्हाउने र त्यस क्षेत्र नजिक भएर हिँडनसमेत मुस्किल हुने गरेको थियो। ‘शव कुहिने र गन्हाउने समस्या निराकरण गर्नका लागि मर्करी चेम्बरको व्यवस्था गरिएको छ’, नगरप्रमुख सुरेन्द्र विष्टले भने।

निर्वाचनका बेला अस्पताल सुधारका लागि कार्य गर्ने प्रतिबद्धताअनुरूप कार्य गरिएको उनले बताए। अस्पतालकाे सुधारका लागि नगरपालिकाले सक्दो सहयोग उपलब्ध गराउने उनकाे भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।