फिलिपिन्समा डेंगुले ८०० भन्दा बढीकाे मृत्यु
फिलिपिन्समा डेंगुका कारण याे वर्ष आठ महिनामा ८०० भन्दा बढीकाे मृत्यु भएको छ। त्यहाँकाे स्वास्थ्य विभागका अनुसार याे अवधिमा डेंगु रोगीको संख्या एक लाख ८८ हजार पुगेको छ।
विभागले याे वर्षको जनवरी १ देखि अगस्ट ३ सम्मको अवधिमा एक लाख ८८ हजार ५६२ जनामा संक्रमण भेटिएको विवरण संकलन गरेको छ। गत वर्षको यही अवधिमा ९३ हजार १४९ जना डेङ्गुका बिरामी फेला परेका थिए।
डेंगुका बिरामी दोब्बरले वृद्धि भएको फिलिपिन्समा सन् २०१८ को तुलनामा मृत्यु भएकाको संख्या पनि झण्डै दोब्बरले वृद्धि भएको छ। गत वर्ष ४९७ जनाको मृत्यु भएको थियो। याे वर्ष ८०७ जनाकाे मृत्यु भइसकेकाे छ।
स्वास्थ्य सेवा विभागले फिलिपिन्सका मध्य र दक्षिणी क्षेत्रमा डेंगुको महामारी देखिएको जनाएको छ। डेंगुबाट बिरामी हुनेहरूमा सबैभन्दा बढी पाँचदेखि नौ वर्षका बालबालिका रहेकाे बताइएकाे छ। यो उमेर समूहमा करिब २३ प्रतिशत बिरामी देखिएका छन्।
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने
डा सन्दीपलाई प्रश्न : घुँडा किन दुख्छ, कसरी बच्ने ?