गाउँपालिकाका सबै स्वास्थ्य संस्थामा निःशुल्क ल्याब
पाल्पा : रम्भा गाउँपालिका सबै स्वास्थ्य संस्थामा ल्याब सेवा शुरु गर्ने जिल्लाको पहिलो गाउँपालिका बनेको छ। गाउँपालिकाभित्र रहेका सबै पाँच वडामा स्वास्थ्य संस्थामा ल्याब सेवा सञ्चालनमा ल्याइएको हो।
गाउँपालिकाका सबै स्वास्थ्य संस्थामा ल्याब, प्रसूति तथा गर्भ परीक्षण सेवा सञ्चालनमा आएको छ। गाउँपालिकाका सबै वडामा ल्याबको पहुँच पुगेको गाउँपालिकाका अध्यक्ष विष्णुप्रसाद भण्डारीले बताए।
गाउँपालिकाको वडा नं. १ मा हुँगी स्वास्थ्यचौकी, २ मा फोक्सिङकोट स्वास्थ्यचौकी, ३ मा पिपलडाँडा स्वास्थ्यचौकी, सामुदायिक स्वास्थ्य एकाइ केन्द्र, वडा नं ४ मा हुमी स्वास्थ्यचौकी र वडा नं ५ मा ताहुँ प्राथमिक स्वास्थ्य केन्द्र, सामुदायिक स्वास्थ्य एकाइ केन्द्रमा गाउँपालिकाले ल्याब सेवा सञ्चालन गरेको छ ।
ल्याब सेवाको शुरु भएपछि स्वास्थ्य संस्थामा बिरामीको चाप बढेको स्वास्थ्य शाखा संयोजक महेश आचार्यले जानकारी दिए। ‘ल्याब परीक्षण सेवा निःशुल्क भएपछि बिरामीले अहिले नियमितरूपमा स्वास्थ्य परीक्षण गराउन थालेका छन्। यो कार्यक्रमले गरिब, विपन्न व्यक्तिलाई राहत पुगेको छ’, उनले भने।
यसअघि बिरामी बाहिर निजी स्वास्थ्य संस्थामा १०० देखि ५०० रुपैयाँसम्म शुल्क तिरेर ल्याब परीक्षण गराउन बाध्य रहेका थिए।
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै