दाङ : राप्ती आँखा अस्पताल तुलसीपुरमा आँखाका बिरामी बढेका छन्। आँखाकाे समस्या लिएर दैनिकजसो ६\७ जना बिरामी उपचारका लागि आउने गरेको अस्पतालकी प्रमुख निर्देशक डा.सुलक्ष्मी कटुवालले जानकारी दिइन्।

वर्षायाममा पानी तथा अन्य कारणले आँखाको संक्रमण बढी हुने गरको अस्पतालले जनाएको छ। अन्य समयभन्दा वर्षायाममा दाङलगायत अन्य छिमेकी जिल्लाका बिरामीहरू धेरै आउने गरेका छन्।

वर्षायाममा पानी दूषित हुने र त्यो आँखामा परे संक्रमण हुने कारण पनि बिरामी बढेको डा. कटुवालले बताइन्।