२१ साउन २०७६ , मङ्लबार

औषधि व्यवस्था विभागका महानिर्देशक ढकालको सरुवा कार्यान्वयन नगर्न सर्वोच्चको अन्तरिम आदेश

काठमाडौं: औषधि व्यवस्था विभागका महानिर्देशक नारायणप्रसाद ढकाललाई सरुवा गर्ने निर्णय तत्काल कार्यान्वयन नगर्न सर्वोच्च अदालतले सरकारका नाममा अन्तरिम आदेश दिएको छ। मंगलबार न्यायाधीश ईश्वर खतिवडा र कुमार रेग्मीको संयुक्त इजलासले विभागको महानिर्देशकबाट ढकाललाई सरुवा नगर्न भनी आदेश दिएको हो ।

विभागका महानिर्देशक ढकाललाई सरकारले विभागबाट औषधि प्रयोगशालामा सरुवा गरेको थियो । उनको सरुवा पश्चात विभागमै कार्यरत ढकाल भन्दा जुनियर पान बहादुर क्षेत्रीलाई निमिक्त महानिर्देशकको जिम्मेवारी दिइएको थियो।

ढकालले आफूलाई अन्याय भएको भन्दै सर्वोच्च अदालतमा रिट दायर गरेका थिए । यो अन्तरिम आदेशसँगै ढकालले पुन जिम्मेवारी सम्हाल्ने छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।