२१ साउन २०७६ , मङ्लबार

ह्याम्स अस्पतालमा एयर एम्बुलेन्स सेवा शुरु

काठमाडौंं : ह्याम्स अस्पतालले सोमबारदेखि एयर एम्बुलेन्स सेवा शुरु गरेको छ। अस्पतालको छतमा नवनिर्मित हेलिप्याडमा एयर डाइनेष्टीको हेलिकोप्टरले सफल उडान तथा अवतरण गरेर एयर एम्बुलेन्स सेवा शुरु गरेको हो।

अस्पतालको छतमा रहेको हेलिप्याडलाई नेपाल नागरिक उड्डयन प्राधिकरण एरोड्रम सेफ्टी स्टैण्डर्ड विभाग सिनामंगलले सोमबार एयर एम्बुलेन्स सेवा शुरु गर्न अनुमति दिएको हो।

वरिष्ठ मुटुरोग विशेषज्ञ प्राडा भगवान कोइराला, वरिष्ठ फिजिसियन प्राडा अर्जुन कार्की, बुढानिलकण्ठ नगरपालिकाका मेयर उद्धव खरेल,अस्पतालका मेडिकल डाइरेक्टर डा भास्कर राज पन्त र अस्पतालका अध्यक्ष रामशरण भण्डारीले एयर एम्बुलेन्स सेवाको संयुक्त रुपमा उद्घाटन गरेका हुन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।