२० साउन २०७६ , सोमवार

शुक्रराज अस्पताल अन्यत्रै सार्ने सरकारकाे प्रस्ताव

काठमाडौं : सरकारले टेकुस्थित शुक्रराज ट्रपिकल तथा सरुवा रोग अस्पताल अन्यत्र सार्ने प्रस्ताव ल्याएको छ।

हाल अस्पताल रहेकाे ठाउँमा व्यस्तता बढ्दा यहाँ आउने बिरामीको रोग अरूलाई पनि सर्ने जोखिम र ठाउँ अभाव भएकाले अस्पताल अन्यत्र सार्ने प्रस्ताव गरिएको सरकारको भनाइ छ।

स्वास्थ्य तथा जनसंख्या मन्त्रालयमा आइतबार भएको मन्त्रालयस्तरीय विकास समाधान समिति बैठकमा सो प्रस्ताव अघि सारिएको हो।

स्वास्थ्य तथा जनसंख्या मन्त्री उपेन्द्र यादवको अध्यक्षतामा बसेको बैठकले गत शुक्रबार बसेको मन्त्रालयस्तरीय विकास समतिको पूर्वबैठकले तय गरेको १४ बुँदे प्रस्तावबारे छलफल गरेको छ।

छलफलको एक बुँदा शुक्रराज सरुवा रोग अस्पतालसमेत सार्ने प्रस्ताव पनि छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।