१७ साउन २०७६ , शुक्रबार

क्यान्सर पीडितको उपचारका लागि चटपटे व्यापार

दाङ : तुलसीपुर उपमहानगरपालिका–१४ मलवारका विपिन ओलीको रक्त क्यान्सरको उपचारमा सहयोगका लागि केही युवकले चटपटे व्यापार शुरु गरेका छन्।

२० वर्षीय ओलीलाई यही वैशाखदेखि रक्त क्यान्सर भएपछि अहिले उनको भक्तपुर क्यान्सर अस्पतालमा उपचार भइरहेको छ। आर्थिक अवस्था कमजोर भएका कारण उपचारमा सहयोग पुर्याउन तुलसीपुरका विभिन्न क्रियाशील संस्थाहरूको पहलमा ती युवाहरुले चटपटे व्यापार गरेका हुन्।

दाङ फिमेना ग्रुप, राइट पाथ कन्सेलटेन्सी, दारी ग्याङ, द सल्यास ब्यान्डले बिहीबार चटपटे बेचेर करिब ४३ हजार १५७ रूपैयाँ जम्मा गरेको राइट पाथका मेघराज ओलीले जानकारी दिए।

सङ्कलन भएको उक्त रकम बैंकमार्फत पीडित ओलीको खातामा पठाइने भएको छ। ओलीको उपचारमा अहिलेसम्म करिब २० लाख खर्च भइसकेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।