१४ साउन २०७६ , मङ्लबार

रेबिजविरुद्धको खोप अभाव

नेपालगञ्ज : भेरी अस्पताल नेपालगञ्जमा रेबिजविरुद्ध खोप नहुँदा सर्वसाधारण मर्कामा परेका छन्। स्वास्थ्य सेवा विभागले पठाउन ढिलाइ गरेकाले सुई अभाव भएको अस्पतालका प्रमुख मेडिकल सुपरिटेन्डेन्ट डा. रूपानन्द अधिकारीले जानकारी दिए।

साउनको शुरुआतदेखि नै अस्पतालमा रेबिजविरुद्धको खोप सकिएको हो। भेरी अस्पतालमा दैनिक १५ देखि २० जना कुकुरले टोकेका बिरामी आउँछन्।

अस्पतालमा निःशुल्क उपलब्ध हुने रेबिजविरुद्धको सुई सकिएपछि निजी क्लिनिकमा महँगो शुल्कमा सुई लगाउनु पर्ने बाध्यता छ। निजी क्लिनिकमा एउटा खोपको कम्तीमा ५०० रुपैयाँ पर्छ। कुकुरले टोकेका बिरामीले चार वटा सुई लगाउनुपर्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।