३ साउन २०७६ , शुक्रबार

त्रिवि शिक्षण अस्पतालमा दोस्रोपटक कलेजो प्रत्यारोपण

काठमाडौं : महाराजगञ्जस्थित त्रिवि शिक्षण अस्पतालमा दोस्रो पटक कलेजो प्रत्यारोपण सफल भएको छ।

डा. रमेशसिंह भण्डारीको टोलीले कलेजो प्रत्यारोपण गरेको हो। प्रत्यारोपणका लागि डा भण्डारीको टोलीलाई भारतको नयाँ दिल्लीस्थित फोर्टिस हस्पिटलका वरिष्ठ सर्जन विवेक बिजको नेतृत्वमा आएको टोलीले सहयोग गरेको थियो । प्रत्यारोपणमा संलग्न बिरामी र डोनरको नाम सार्वजनिक गरिएको छैन।

४४ वर्षका पुरुषलाई उनका ज्वाइँले कलेजो दिएको भने बताइएको छ। अस्पतालका अनुसार दाता २८ वर्षका छन् ।

शिक्षण अस्पतालले पहिलो पटक गत जेठ १७ गते कलेजो प्रत्यारोपण गरेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।