२ साउन २०७६ , बिहिबार

झापामा कालाजारको बिरामी फेला

झापा : मेचीनगरमा–१५ मा कालाजारको नयाँ बिरामी फेला परेका छन् ।

वैभव टी–स्टेट नजिकै बसोवास गर्ने ४० वर्षीय कमलेश मर्डीमा कालाजार भेटिएको मेचीनगर नगरपालिका स्वास्थ्य शाखा प्रमुख शशीकला राईले जानकारी दिएकी हुन्। मर्डीको उपचार मेची अञ्चल अस्पताल भद्रपुरमा भइरहेको छ।

संयोजक राईका अनुसार कालाजार रोग नियन्त्रणका लागि नगरपालिकाले कीटनाशक विषादी छर्किन शुरु गरेको छ।

संयोजक राईका अनुसार यो एउटा सरुवा रोग हो। यसलाई ‘लिसमेनियासिस’ पनि भनिन्छ। यो रोग सङ्क्रमित पोथी जातको भुसुनाको टोकाइबाट सर्छ।

यसअघि गत असारमा भद्रपुर नगरपालिका–१० मा तीन र कचनकवल गाउँपालिका–५ मा एक कालाजारका रोगी फेला परेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।