३० असार २०७६ , सोमवार

डडेल्धुरा अस्पतालका चिकित्सक काममा फर्किँदै

डडेल्धुरा : काममा असुरक्षा भएको भन्दै कार्यक्षेत्र छाडेर धनगढी पुगेका डडेल्धुरा अस्पतालका चिकित्सक काममा फर्किने भएका छन्। उनीहरू सोमबार साँझसम्म अस्पताल आइपुग्ने भएका हुन्।

चिकित्सकलाई हातपात गर्ने व्यक्तिलाई पक्राउ गरी जिल्ला प्रहरी कार्यलयले कारबाही प्रक्रिया अघि बढाएसँगै चिकित्सक जिल्ला फर्किन राजी भएका हुन् ।

डडेल्धुरा अस्पतालमा पोष्टमार्टम गरिरहेका चिकित्सकमाथि हातपात गरिएको भन्दै जिल्ला अस्पतालमा कार्यरत ९ चिकित्सक शुक्रबार जिल्ला छाडी धनगढीमा बसिरहेका थिए।

जिल्ला प्रहरी कार्यालय चिकित्सकमाथि हातपात गर्नेलाई पक्राउ गरी कारबाही अघि बढाएपछि आफूहरु जिल्ला फर्किएको एक चिकित्सकले बताए।

प्रहरीले घटनामा संलग्न एक व्यक्तिलाई पक्राउ गरी चिकित्सकलाई दुर्व्यवहार गरेको भन्दै कारबाही अघि बढाएको जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।