८ असार २०७६ , आइतवार

अपाङ्गता भएकालाई डेंगुबाट बचाउन झुल

दाङ : तुलसीपुर उपमहानगरपालिका– ७ ले वडाका अपाङ्गता भएका व्यक्तिलाई झुल वितरण गरेको छ। शनिबार वडा कार्यालयमा कार्यक्रम आयोजना गरी झुल वितरण गरिएको हो।

दाङमा पनि लामखुट्टेको टोकाइबाट लाग्ने डेंगु रोगको जोखिम रहेको भन्दै अपाङ्गता भएका व्यक्तिलाई झुल वितरण गरिएको वडाध्यक्ष टोपबहादुर केसीले बताए।

वडाका सबै अपाङ्गता भएका व्यक्तिको पहिचान गरी झुल वितरण गरिएको उनले बताए। अपाङ्गता भएका व्यक्तिले आफैँ कुनै पनि काम गर्न नसक्ने र आम्दानीको स्रोत नहुने भन्दै उनीहरूलाई सहयोगस्वरूप झुल वितरण गरेको वडाले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।