२१ जेष्ठ २०७६ , मङ्लबार

काठमाडौंमा प्रोस्थोडोन्टिक्स सम्मेलन हुँदै

काठमाडौं : दन्तचिकित्सा क्षेत्रमा आएका नयाँ खोज र प्रविधिबारे छलफल गर्न राजधानीमा प्रोस्थोडोन्टिक्स सम्बन्धी सम्मेलन हुने भएको छ ।
प्रोस्थोडोन्टिक सोसाईटी अफ नेपालको आयोजनामा यही जेठ २४ गते शुक्रबार हुने सम्मेलनमा एक सय भन्दा बढी विशेषज्ञ चिकित्सकहरु सहभागी हुनेछन्।

उक्त सम्मेलनमा नक्कली दाँत बनाउने, राख्ने र यससँग सम्बधित सम्पूर्ण सेवालाई चुस्त दुरुस्त बनाउने विषयमा छलफल हुने सम्मेलनका प्रेस संयोजक डा प्रकाश बुढाथोकीले जानकारी दिए । सम्मेलनमा नक्कली दाँत प्रत्यारोपण विषयका विभिन्न विधामा कार्यपत्र प्रस्तुत हुनेछन्।

यसैगरी सम्मेलनमा नेपाली मूलका बेलायती दन्त चिकित्सक डाक्टर अनिल श्रेष्ठको विशेष प्रस्तुती रहने बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।