१९ जेष्ठ २०७६ , आइतवार

बेलायतमा कार्यरत नेपाली नर्सले बनाइदिए जुम्लामा बर्थिङ सेन्टर

जुम्ला : बेलायतमा कार्यरत नेपाली नर्सको सहयोगमा सिंजा गाउँपालिका भादगाउँमा विकट गाउँमा बर्थिङ सेन्टर स्थापना भएको छ।

नेप्लिज नर्सिङ एसोसिएसन (एनएनए यूके)ले दुई कोठे भवनसहितको मितेरी मातृशिशु केन्द्र गत बुधबार उद्घाटन गरिएको हो। तर केन्द्रले केही साताअघिदेखि सेवा सुरु गरिसकेको छ।

गर्भवतीको लागि आवश्यक सम्पूर्ण चेकजाँचदेखि उनीहरूलाई सुरक्षित रूपमा सुत्केरी गराउनेसम्मको सेवा केन्द्रमा उपलब्ध हुने एनएनए यूकेका अध्यक्ष विनोदविकास सिंखडाले बताए। जटिलता देखिए वा अप्रेसन गर्नुपर्ने अवस्था आए केन्द्रले नै अन्य अस्पताल पठाउनेछ।

एनएनए यूके बेलायतमा कार्यरत नेपाली नर्सको प्रतिनिधि संस्थाका रूपमा सन् २००८ मा स्थापित भएको हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।