गर्मी महिना छ। स्वास्थ्यमा थोरै पनि हेलचेक्र्याइँ गर्दा पनि विभिन्न किसिमका सरुवा लाग्नसक्ने सम्भावना हुन्छ। ती रोगबाट बच्न सरसफाइमा विशेष ध्यान दिनुपर्छ–

टाइफाइड, जन्डिस, झाडापखालाजस्ता रोग लाग्नबाट बच्न दूषित पानी र फोहोर खानपान नगर्ने।

साबुनपानीले हात धोएर मात्र खानेकुरा खाने बानी गर्नुपर्छ।

सँधै उमालेको शुद्ध पानी मात्र पिउने गर्नुपर्छ। बासी खानेकुरा खानु हुँदैन।

घरबाहिरबाट आएपछि र शौचालय गएपछि साबुनपानीले राम्ररी हातखुट्टा धुने बानी बसाल्नुपर्छ।

बाटोछेउमा अव्यवस्थित रूपमा बनाइएका खाना खानुहुँदैन।

फोहोर र झिँगा भन्केका खानेकुरा खानाले चाँडै रोगको संक्रमण गराउँछ।

काँचो मासु र राम्ररी नपाकेको खानेकुरा खान हुँदैन। खानेकुरालाई राम्ररी छोपेर राख्नुपर्छ।

फलफूललाई सफा पानीले पखालेर मात्र खाने गर्नुपर्छ। सकेसम्म ताजा खाना खाने गर्नुपर्छ ।