६ जेष्ठ २०७६ , सोमवार

प्रत्यारोपण केन्द्रका नर्स र अस्पतालबीच १० बुँदे सहमति,आन्दोलन स्थगित

काठमाडौं : शहीद धर्मभक्त राष्ट्रिय प्रत्यारोपण केन्द्रका नर्सहरुले आफ्ना आन्दोलनका सम्पूर्ण कार्यक्रम फिर्ता लिएका छन् । आइतबार दश बुँदे सहमति भएपछि केन्द्रकी नर्स डिक्की शेर्पाले दश दिने अनशन तोडेकी छिन्।

शेर्पालाई नर्सिङ संघकी अध्यक्ष प्राध्यापक तारा पोखरेल, नेपाल शेर्पा महिला संघकी अध्यक्ष मिङमी शेर्पा, भक्तपुरका सहायक प्रमुख जिल्ला अधिकारीक दिलीप लामिछानेले जुस खुवाएर अनशन तोडाएका थिए ।

अनशनरत नर्ससँग सहमतिका लागि संयोजन भक्तपुरका सहायक प्रमुख जिल्ला अधिकारी लामिछानेले गरेका थिए । दश बुँदामा सहमतिसँगै लोकसेवाको परीक्षा पछि केन्द्रमा कार्यरत नर्सहरुले सेवामा निरन्तरता पाउने भएका छन्।

लोक सेवाको परीक्षामा असफल भएपनि त्यहाँ कार्यरत नर्सहरुलाई सेवामा खटाइने र रोजगारीमा निरन्तरता दिइने भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।