रूघाखाेकीले सतायाे? गर्नुस् घरेलु उपचार
गर्मीयाम शुरू भएसँगै रुघाखोकीले निकै दुख दिन्छ। बालक, वृद्धदेखि एवं कामकाजी व्यक्तिहरूकाे दैनिक कामव्यवहारमा असर पुर्याउँछ। हेलचेक्रयाईँ गरेको अवस्थामा यसले निकै दुःख दिनसक्छ।
सामान्य अवस्थामा रुघाखोकी लागेमा त्यसलाई ख्याल गरेर घरेलु उपचार गर्ने हो भने केही दिनभित्र ठिक हुन्छ। तर, अझै धेरै दिनसम्म सताउन छोडेन भने चिकित्सकको सल्लाह लिँदा राम्रो हुन्छ।
रुघाखोकीमा पर्याप्त आराम गर्नुपर्छ। पर्याप्त तातो वा मनतातो पानी पिउनुपर्छ। अझ कागती र मह घोलेको पानी पिउँदा आराम हुन्छ। तातोपानीको बाफ लिने, तातो पानी पिउने, रसदार तातो खानेकुरा खाँदाआराम मिल्छ।
केही यस्ता घरेलु औषधि छन् जसले ‘साइड इफेक्ट’बिना रुघाखोकी निको बनाउँछ–
रुघाखोकीबाट राहत पाउनको लागि एक गिलास तातो दूधमा एक चम्चा बेसार मिसाएर पिउनुहोस् । यसको साथै सुकेको हलेदोलाई पोलेर त्यसको धुँवा सुँघेमा पनि रुखाखोकी ठिक हुन्छ।
तुलसी रुघाखोकीको लागि कुनै औषधिभन्दा कम छैन। तुलसीको चार पाँच पत्ता तुलसी चपाउनाले घाँटीको खसखस र खोकीबाट राहत मिल्छ।
अदुवाको रस महमा मिसाएर खाएमा पनि खोकी टाढा भाग्छ। रुघाखोकीले सताएको छ भने राति सुत्नभन्दा अगाडि अदुवा र पानी उमालेर पिउँदा राहत मिल्छ।
अलैँचीलाई चियामा उमालेर पिउनाले रुघाखोकी ठिक हुन्छ। यदि फेरि पनि रुघा लागेमा अलैंचीको दानालाई रुमालमा बेरेर सुँघ्नाले रुघाबाट छुटकारा मिल्छ। टाउको दुख्ने, खोकी, ज्वरो, रुघा जस्ता समस्या देखिएमा हर्बल चिया पिउँदा पनि राहत मिल्छ।
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र