२३ बैशाख २०७६ , सोमवार

एम्बुलेन्समा गाँजा ओसारपसार

हेटौँडा : भारतीय एम्बुलेन्सको प्रयोग गरी नेपालबाट गाँजा ओसारपसार हुने गरेको पाइएको छ। मकवानपुरको हेटौँडा–१५ लच्कामा रोकिराखेको एम्बुलेन्समा आइतबार ६४ किलो गाँजा बरामद भएपछि यस्तो रहस्य खुलेको हो।

इलाका प्रहरी कार्यालय पशुपतिनगर मकवानपुरबाट खटिएको प्रहरी अरुणकुमार कुशवाहको कमाण्डमा रहेको गस्ती टोलीले शंकास्पद अवस्थामा रोकिराखेको भारतीय बीआर ०६ पी ५६०५ नम्बरको एम्बुलेन्सकाे ड्राइभरको सिट पछाडि लुकाइराखेको गाँजा बरामद गरेको हो।

एम्बुलेन्स चालक तथा तस्करहरू भने फरार रहेको मकवानपुर प्रहरी प्रवक्ता प्रहरी निरीक्षक सागरविक्रम राणाले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।