सेनाकाे स्वास्थ्य शिविरमा १८० जनाले लिए सेवा
बझाङ : जयपृथ्वी नगरपालिका–३ हेमन्तबाडा पडेशमा नेपाली सेनाले गरेको निःशुल्क स्वास्थ्य शिविरमा १८० जनाले उपचार गराएका छन्।
हेमन्तवाडाको पडेशमा रहेको संग्राम शार्दूल गुल्मद्वारा सञ्चालित शिविरमा सेनाका चिकित्सकहरूले सर्वसाधारणको उपचार गर्नुका साथै उनीहरूलाई परामर्शसमेत दिएका हुन्।
पेट दुखेका, ज्वरो आएका, टाउको दुखेका तथा चोटपटक लागेका, तल्लो पटे दुख्ने महिलाहरू, छाला चिलाउने जस्ता समस्या भएकाहरू ज्येष्ठ नागरिक र बालबालिकाले उपचार गराएको सेनानी केदारप्रसाद लामिछानेले बताए।
शिविरमा सहसेनानी डाक्टर सञ्जय बस्नेतसहितको स्वास्थ्यकर्मीको टोलीले उपचार गरेको थियो। ब्यारेकले आफ्नो वार्षिक कार्ययोजनाअनुसार जिल्लाका विभिन्न ठाउँमा स्थानीय तहसँग समन्वय गरी निःशुल्क स्वास्थ्य शिविर सञ्चालन गर्दै आएको सेनानी लामिछानेले जानकारी दिए।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?