२२ बैशाख २०७६ , आइतवार

भीरमाैरीकाे मह खाँदा सातजना बिरामी

काठमाडाैं : धादिङकाे रुवीभ्याली गाउँपालिका ४ बोराङमा भीरमौरीको मह खाँदा सातजना गम्भीर बिरामी भएका छन्। गम्भीर बिरामी भएका दुई जनालाई उद्धार गरी हेलिकोप्टरबाट उपचारका लागि काठमाडौं ल्याइएको छ।

मह खाँदा मोक्ता लामा तामाङ, हिमाल विक, लालु विक, सुष्मा तामाङ, मि लामा तामाङ, कान्छा लामा र तेसमान तामाङ बिरामी परेकाे वडा नं. ४ का अध्यक्ष प्रशान्त तामाङले बताए। बिरामीमध्ये कान्छा र तेसमान सिकिस्त भएपछि तत्काल हेलिकाेप्टरबाट काठमाडौं लगिएकाे उनले जानकारी दिए।

अन्य बिरामीको सेर्तुङस्थित स्थानीय स्वास्थ्य संस्थामा उपचार भइरहेको छ। आइतबार बिहान मह खाएपछि उनीहरूले काम्ने, बान्ता गर्ने गरेकाे स्थानीयले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।