२२ बैशाख २०७६ , आइतवार

कपिलवस्तुमा सिकलसेलले तीनजनाकाे मृत्यु

कपिलवस्तु : वाणगङ्गा नगरपलिकामा सिकलसेल एनिमियाका कारण तीनजनाकाे मृत्यु भएकाे छ।

नगरपालिकाको धनकौली, बोर्डगाउँ र चम्कीपुरमा एक\एकजना गरी तीनजनाकाे सिकलसेल एनिमियाबाट मृत्यु भएको नगरपलिकाको स्वास्थ्य शाखा प्रमुख कृष्ण घिमिरेले जानकारी दिए।

सिकलसेल एनिमिया उनीहरूको कोषमार्फत आफ्ना सन्तानमा सार्न सक्छन्। एनिमिया जीवाणु रहेका पुरुष र महिलाबीच विवाह भएमा उनीहरूबाट जन्मिने सन्तान पनि याे रोगबाट सङ्क्रमित हुने चिकित्सक बताउँछन्।

वाणगङ्गा नगरपलिकाले गत आर्थिक वर्षमा सिकलसेल एनिमिया रोग नियन्त्रणका लागि तीन लाखको हाराहारीमा बजेट छुट्ट्याएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।