समायोजनमा असन्तुष्टि जनाउँदै गोदानले बोलायो बैठक

काठमाडाैं : सरकारी चिकित्सक संघ (गोदान)ले संघीयतामा स्वास्थ्यको समायोजनको मंगलबार सार्वजनिक सूचीको विरोध गर्दै आकस्मिक बैठक बोलाएको छ।

सरकारले गोदानसँग गरेको सम्झौता र प्रतिबद्धताविपरीत समायोजन सूची सार्वजनिक गरेको भन्दै बुधबार दिउँसो साढे तीन बजे छलफलको लागि बैठक बोलाएको छ।

संघीय मामिला तथा सामान्य प्रशासन मन्त्रालयले मंगलबार सार्वजनिक गरेको सूचीमा एघारौँ तहका डाक्टरलाई आठौँ तहको दरबन्दीमा समायोजन गरेको छ।

सूचीमा सरकारले गरेको सम्झौताअनुसार समायोजन नभएपछि गोदानले असन्तुष्टि जनाएको हाे।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।