१८ चैत्र २०७५ , सोमवार

घाइते ६ जनाकाे उपचार शिक्षण अस्पताल महाराजगञ्जमा हुँदै, दुईजनाको अवस्था गम्भीर

काठमाडौं : बारा र पर्सामा हावाहुरीका कारण घाइते भएकामध्ये ६ जनालाई उपाचारका लागि महाराजगञ्जस्थित शिक्षण अस्पताल ल्याइएको छ।

उपचारका लागि ल्याइएको ६ मध्ये दुईजनाको अवस्था गम्भीर रहेको अस्पतालका निर्देशक प्रा. डा. प्रेम खड्गाले बताए। उनले भने,चारजनाकाे अवस्था धेरै चिन्ताजनक छैन् तर दुइ जना भने गम्भीर हुनुहुन्छ, हामीले उपचार शुरू गरिसकेका छाैं।

नेपाली सेनाको स्काई ट्रक विमानले बारा–पर्सा हावाहुरीमा घाइते ६ जनालाई काठमाडौं ल्याएको हो ।

अन्य घाइते पनि काठमाडौं ल्याउन पहल गरिरहेको नेपाली सेनाले जनाएको छ। गृहमन्त्रालयको समन्वयमा उद्धार गरी बिरामी ल्याउने काम भइरहेको सेनाको भनाइ छ।

अन्य घाइतेहरूको उपचार पर्साको वीरगञ्जस्थितनारायणी उपक्षेत्रीय अस्पताल, वीरगञ्ज हेल्थ केयर, गण्डक अस्पताललगायतका अस्पतालमा भइरहेको जनाइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।