जाडोमा ‘ग्रीन टी’ पिउनुका फाइदाहरु
हेल्थ टिभी अनलाइन \काठमाडौं : चिया भन्ना साथ पिउँदिन भन्ने नेपालीहरु विरलै होलान्, अझ त्यो पनि दुधको चिया । प्राय नेपालीहरुको बिहान उठ्नासाथ दुधको चिया पिउने बानी हुन्छ। वास्तवमा भन्ने हो भने यसो गर्नु लाभदायी मानिदैँन। दुध चिया पिउनाले शरीरमा एसिडिटिको मात्रा बढ्न जान्छ। साथै अन्य समस्याहरु पनि सृजना गराउँदछ। दुध चिया पिउनुको सट्टा ग्रीन टी पिउने बानी बसाल्दा उचित मानिन्छ।
ग्रीन टी उत्कृष्ट पेय पदार्थ मध्ये एक हो। यो सर्वप्रथम चीनबाट पिउन सुरु गरिएको हो। यो चीन र जापानमा अत्याधिक बढी मात्रामा सेवन गर्ने गरेको पाइन्छ। यसमा पाइने विभिन्न तत्वहरु मध्ये पोलिफेनोल नामक एन्टीअक्सिडेन्ट, क्याफिन, थियनाईन, एमिनो एसिड, मिनरल्स आदि पर्दछ। अझ जाडोमा यो पिउँदा शरीरलाई न्यानो बनाई चिसोबाट जोगाउन सहयोग गर्छ ।
यसमा पाइने पोलिफेनोल नामक एन्टीअक्सिडेन्टले शरीरमा रोग लाग्न नदिन मद्धत पुर्याउँदछ।
यसले कोलस्ट्रोलको मात्रालाई नियन्त्रणमा राख्दछ।
यसले उच्च रक्तचाप पनि नियन्त्रणमा राख्न सहयोग पुर्याउँछ।
यसले पाचन प्रक्रियामा समेत मद्धत गर्दछ।।
यसले मुटु सम्बन्धी रोगमा हुने जोखिमलाई समेत कम गर्दछ।
यसले शरीरमा मेटाबोलिक रेटलाई बुस्ट गर्दछा
यसमा पाइने थियनाइन नामक तत्वले तनाव कम गर्न मद्धत गर्दछ।
यसले मुख र दाँत सम्बन्धी समस्यालाई पनि न्यून गर्दछ।
ग्रीन टी पिउँदा ध्यानमा राख्नु पर्ने कुराहरु
यो बिहान खाली पेटमा नभएर केही खाजा वा अन्य केही खाने कुरा खाएर सेवन गरेको राम्रो हुन्छ।
कम रक्तचाप भएका मानिसहरुले पनि यसको सेवन थोरै मात्रामा गर्दा राम्रो।
रातीको खाना खाएपछि यो सेवन नगर्दा उचित मानिन्छ। यसमा पाइने क्याफिनले निद्रा कम लाग्न सक्छ।
गर्भवती महिलाले पनि यसको सेवन नगर्दा नै उचित हुन्छ।
पेट सम्बन्धी समस्या हुनेहरुले पनि यसको सेवन गर्नु हुदैँन।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ