जाडोमा आगो ताप्दा तथा हिटर बाल्दा अपनाउनुपर्ने सावधानी
हेल्थ टिभी अनलाइन \काठमाडौं : जाडो याममा शरीर वा कोठालाई न्यानो बनाइराख्न आगो ताप्ने, हिटर बाल्ने तथा गिजरको प्रयोग गर्ने गरिन्छ । तर यसरी जाडोबाट बच्न गरिने उपायहरुमा सावधानी अपनाइएन भने ज्यानै समेत जान सक्छ । जाडो यामसँगै आगलागी तथा हिटर वा गिजरबाट हुने दुर्घटनाका घटना बाहिर आउने गर्छन । त्यसैले यस्ता उपाय अपनाउँदा विशेष सावधानी अपनाउन जरुरी हुन्छ ।
आगो बाल्दा, हिटर ताप्दा तथा गिजरको प्रयोग गर्दा प्रयाप्त मात्रामा हावा ओहोरदोहोर गर्ने कोठामा मात्र प्रयोग गरौं । झ्याल ढोका पूरै बन्द गरेर आगा ताप्ने नगरौं । यसका साथै कोइला जन्य पदार्थबाट आगो नतापौं । आगो ताप्दा छिटो बल्ने कागज, कपडा जस्ता वस्तु आगो तथा हिटरको नजिक नराखौं । साथै आगो तापिसकेपछि आगोलाई पूर्ण रुपमा निभाऔं ।
हिटरको प्रयोग गर्दा एकैपटक लामोसम्म हिटर बाल्ने भन्दा पनि समय समयमा एक छिनका लागि बन्द गर्ने र फेरि अन गर्ने गरौं । आफू सुत्नुअििघ अनिवार्य रुपमा हिटर बन्द गर्ने गरौं । गिजरको प्रयाृग गर्दै हुनुहुन्छ भने मुख्य मेशिनलाई बाथरुम बाहिर खुला ठाउँमा राखौं ।
गिजर खोलेर लामोसमयसम्म बाथरुममा नबसौं । गिजरबाट तातो पानी भाडामा थापेर गिजर बन्द गरेर नुहाउँदा अझ राम्रो । यस्तो सावधानी सबैले अपनाउन जरुरी हुन्छ ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो