जाडोमा किन खाने मेथीको साग?
जाडोमा प्रशस्त सागसब्जी हुन्छ। रायो, तोरी, चम्सुर पालुंगोजस्ता साग यही समयमा उत्पादन हुन्छ। मौसमी सागले स्वास्थ्यलाई निकै फाइदा गर्छ। जाडोयाममा पाइने बहुगुणकारी अर्को साग हो, मेथी। मेथीको साग स्वास्थ्यका दृष्टिले अत्यन्त लाभदायक मानिन्छ ।
मेथीको हरियो साग खाँदा पाचनतन्त्रले सहजरूपमा काम गर्नुका साथै कब्जियत वा ग्याष्ट्रिक जस्ता समस्यामा फाइदा पुग्छ।
मेथी वा यसको सागले चिसोबाट बचाउँछ। यसलाई कुनै न कुनै रूपमा दिनदिनै सेवन गर्दा रुघाबाट जोगिन सकिन्छ।
मेथीको साग नित्य सेवन गर्दा मुटुसम्बन्धी रोग नजिक आउन पाउँदैन। यसले हृदयघातको सम्भावनालाई न्यून बनाउँछ।
बारम्बार पिसाब आउने समस्या छ भने मेथीको पातको रसले फाइदा पुग्छ । दैनिक यसको सेवनबाट समस्या दूर हुन्छ।
मेथीको पात कपालका लागि पनि अत्यधिक लाभदायक छ। यसको पातलाई पिसेर लगाउँदा कपाल कालो, बाक्लो र चमकदार हुन्छ। साथै कपाल र्झन पनि रोकिन्छ।
सुन्दरता बढाउनमा पनि मेथी प्रभावकारी छ। यसलाई पिसेर अनुहारमा लगाउँदा त्वचामा चमक आउँछ। रुखो त्वचा हुनेहरूका लागि यो अत्यन्त लाभदायक हुन्छ।
मेथीको साग प्रतिदिन सेवन गर्दा वा मेथीको दानाको चूर्ण प्रतिदिन खाँदा वजन नियन्त्रणमा रहन्छ र बोसोको मात्रा बिस्तारै बिस्तारै कम हुन्छ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो