यी समस्याका घरेलु उपचार
रुघाखोकीमा
असुरोको पात वा फूलको रस पानीमा उमालेर १० देखि १५ मिलि पिउँदा आराम हुन्छ। यसको ताजा पातको रस निचोरेर मह वा अदुवाको रससँग मिलाएर खाने गर्दा पुरानो खोकी बिसेक हुन्छ।
झाडापखालामा
बेलको काँचो फलको गुदी आगोमा पकाएर महसँग तीन देखि छ ग्राम, रस १०–२० मिलि खानाले दिसाका साथमा रगतआउने, रगतमासी एवं अर्शमा समेत फाइदा पुग्छ। साधारण झाडापखलामा जिराको धूलो ३ ग्राम खाँदा पनि आराम मिल्छ।
वाकवाकी एवं बान्तामा
वाकवाकी, उल्टी हुँदा दालचिनी वा सुकमेलको धुलो १–३ ग्राम प्रयोग गर्दा आराम मिल्छ। साथसाथै अदुवाको रस वा सुकेको अदुवाको धुलो प्रयोग गर्न सकिन्छ।
पेट दुखेमा
ज्वानोको धुलो तीन देखि पाँच ग्राम प्रतिदिन दुईपटक कुनै खाना वा अन्य पेयपदार्थमा राखेर प्रयोग गर्दा आराम मिल्छ।
अजीर्ण र ग्यास हटाउन टिमुरको धुलो एक देखि दुई ग्राम साँझ बिहान प्रयोग गर्दा फाइदा हुन्छ । बच्चाहरूको साधारण पेट दुखाईमा, अजिर्ण, अररुचि रोगमा तुलसीको पातको रस र अदुवाको रस मिसाएर खान दिँदा फाइदा हुन्छ ।
ग्याष्ट्रिकमा
अमला मेथी, कुरिलो जराको धुलो, जेठि मधुको यी मध्ये कुनै एक जडिबुटीको धुलो अम्लपित्त भएको अवस्थामा तीन ग्रामसम्म साँझ बिहान प्रयोग गर्दा उपयोगी हुन्छ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो