अस्वस्थ खानपान र जीवनशैलीले मोटोपना, मधुमेह हुने तथा कोलेस्ट्रोल बढ्ने सम्भावना अत्यधिक हुन्छ। यसले मुटुको धमनीमा बोसो जम्ने समस्या निम्तिन्छ। पछि गएर मुटुको धमनी नै शतप्रतिशत बन्द हुनेसमेत हुन्छ।  स्वस्थ मुटुका लागि खानपानमा ध्यान पुर्याउन आवश्यक छ ।

के खाने ?
पर्याप्त मात्रामा सागपात, फलफूल खानुपर्छ। यसबाहेक दाल, तरकारीको झोल प्रशस्त पिउनुपर्छ। यी खानेकुराम सकेसम्म कम चिल्लो पदार्थ प्रयोग गर्नुपर्छ। बोसोरहित मासु सेवन गर्नुपर्छ। अझ उसिनेर खाए झन् उत्तम हुन्छ ।

के नखाने?
नदेखिने चिल्लो पदार्थका स्रोत जस्तै, नरिवल, काजु, बदाम, ओखरजस्ता फल धेरै सेवन नगर्दा राम्रो हुन्छ। खानामा ठोस खानेकुरा बढी समावेश गर्नुहुँदैन । बजारमा जथाभावी पाइने फास्टफुड र ड्राइफुड खानैहुँदैन। त्यस्तै, सकेसम्म कम नुन खानु राम्राे हुन्छ ।
धूमपान, मद्यपानबाट टाढा रहनुपर्छ । यस्ता पदार्थले रक्तसञ्चारमा समस्या ल्याउनुका साथै हृदयाघात गराउने सम्भावना पनि उच्च हुन्छ ।