व्यवहारिक मनोविज्ञान सम्बन्धी अन्तराष्ट्रिय सम्मेलन गर्दै नेशनल कलेज
हेल्थ टिभी अनलाइन : काठमाडौंको धुम्बाराहीमा रहेको नेशनल कलेज, काठमाडौं युनिभर्सिटीले व्यवहारिक मनोविज्ञानका विविध विधाहरुमा केन्द्रित भएर अन्तराष्ट्रिय सम्मेलन गर्न लागेको छ ।
सम्मेलनका बारेमा जानकारी दिन आयोजना गरिएको प्रेस मिटमा बोल्दै कलेजका प्रिन्सिपल माधव प्रसाद न्यौपानेले मनोविज्ञान तथा मनोसामाजिक क्षेत्रमा धेरै नै काम गर्नपर्ने बेला आएको र त्यसकै लागि वृहत छलफल र अन्तरक्रिया आवश्यक ठानेर आफूहरुले यो तीन दिने अगस्ट ६ देखि ८ सम्म अन्तराष्ट्रिय सम्मेलन गर्न लागेको जनाए । उनले भने, ‘कोभिड १९ पछि मनोसामाजिक क्षेत्रमा छुट्टै खालको समस्याहरु आइरहेका छन् । किन समस्या छन् र कसरी समाधानतिर जानसकिन्छ भन्ने विषयमा व्यापक छलफल हुनेछ ।’
यसैगरी सम्मेलनका फोकल पर्सन मनोविद डा नरेन्द्र सिंह ठगुन्नाले सम्मेलनमा २२ देशका मनोविज्ञान क्षेत्रमा काम गर्ने २४५ जना ख्यातिप्राप्त विज्ञहरु सहभागी हुने र १६४ वटा पेपर प्रस्तुत हुने जानकारी दिए ।
कार्यक्रममा कलेजका भाइस प्रिन्सिपल तथा अर्गनाइजिङ कमिटिका सदस्य छत्र कार्कीले यस सम्मेलनबाट आएका उत्कृष्ट पेपर तथा अनुसन्धानलाई अन्तराष्ट्रिय जर्नलमा प्रकाशित गरिने बताए । सम्मेलनमा मानसिक स्वास्थ्य, मनोविज्ञान, मनोसामाजिक पक्ष, एन्जाइटी, निरासापन लगायतका विषयमा काम गर्ने २४५ जनाभन्दा बढी सहभागी हुने तथा युवा र यस विषय अध्ययनरत विद्यार्थीहरु पनि सहभागी हुने बताइएको छ ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो