हेल्थ टिभी अनलाइन : नेपाल विश्व स्वास्थ्य संगठन (डब्लुएचओ) को ७९औँ विश्व स्वास्थ्य महासभाको उपाध्यक्षमा निर्वाचित भएको छ । स्वीट्जरल्याण्डको जेनेभामा आजबाट सुरु भएको ७९औं विश्व स्वास्थ्य महासभाले नेपाललाई उपाध्यक्षमा सर्वसम्मत रुपमा निर्वाचित गरेको हो ।

जेनेभामा महासभाको उद्घाटन सत्रमा नेपालका स्वास्थ्यमन्त्री निशा मेहतालाई उक्त जिम्मेवारी प्रदान गरिएको हो। नेपालले पाएको यो जिम्मेवारीलाई अन्तर्राष्ट्रिय स्वास्थ्य कूटनीतिमा महत्त्वपूर्ण उपलब्धिका रूपमा हेरिएको छ ।

विश्व स्वास्थ्य संगठनको सर्वोच्च नीति निर्माण गर्ने साझा मञ्च विश्व स्वास्थ्य महासभामा सदस्य राष्ट्रहरूले विश्व स्वास्थ्यसम्बन्धी नीति, अबको प्राथमिकता तथा सहकार्यका विषयमा छलफल गर्ने गर्दछन् ।

महासभामा विश्वभरका सदस्य राष्ट्रका प्रतिनिधि, स्वास्थ्य विज्ञ तथा अन्तर्राष्ट्रिय संस्थाका अधिकारीहरूको सहभागिता रहेको छ।