१० बैशाख २०८३ , बिहिबार

स्वास्थ्य मन्त्रीको प्रमुख विज्ञ सल्लाहकारमा प्राडा मनोहर प्रधान

हेल्थ टिभी अनलाइन : स्वास्थ्य तथा जनसंख्या मन्त्री निशा मेहताको प्रमुख विज्ञ सल्लाहकारमा प्राडा मनोहर प्रधान नियुक्त भएका छन् ।

राष्ट्रिय स्वतन्त्र पार्टीले डा प्रधानलाई मन्त्रीको विज्ञ सल्लाहकारका रूपमा पठाउने आधिकारिक निर्णय गरेसँगै सरकारले उनलाई सो जिम्मेवारी दिएको हो । डा प्रधान चिकित्सा पेशा र प्राध्यापनमा सक्रिय छन् ।

उनी विगत १८ वर्षदेखि कलेज अफ मेडिकल साइन्सेज पुरानो मेडिकल कलेज भरतपुरमा प्राध्यापनरत छन् भने नेपाल चिकित्सक संघ, चितवन शाखाको पूर्व उपाध्यक्ष समेत हुन् ।

रास्वपाको स्थापनाकालदेखि नै सक्रिय डा प्रधानले पछिल्लो समय पार्टीको बागमती प्रदेश स्वास्थ्य तथा जनसंख्या विभागको संयोजकका रूपमा काम गर्दै आएका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।