२६ चैत्र २०८२ , बिहिबार

श्रममन्त्री दीपककुमार साहलाई प्रधानमन्त्रीले गरे बर्खास्त

स्वास्थ्यमन्त्री मेहतालाई गराइयो सचेत

हेल्थ टिभी अनलाइन : प्रधानमन्त्री बालेन्द्र शाहले श्रम, रोजगार तथा सामाजिक सुरक्षाममन्त्री दीपककुमार साहलाई पदमुक्त गरेका छन्। राष्ट्रिय स्वतन्त्र पार्टी (रास्वपा) को सिफारिस अनुसार प्रधानमन्त्रीले श्रममन्त्रीलाई पदमुक्त गरेका हुन्।

रास्वपा सभापति रवि लामिछानेले मन्त्री साहले पदीय मर्यादाको दुरुपयोग गरेको भन्दै फिर्ता बोलाउन प्रधानमन्त्री शाहलाई पत्र पठाएका थिए। स्वास्थ्य बीमा बोर्डमा साहले पत्नी जुनु श्रेष्ठलाई नियुक्ति दिने विवादित निर्णय गरेको भन्दै उनलाई प्रधानमन्त्रीले हटाएका हुन्। यसैगरी स्वास्थ्यमन्त्री निशा मेहतालाई सचेत गराउन प्रधानमन्त्री समक्ष सिफारिस गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।