डडेल्धुरा अस्पताल विकास समिति अध्यक्षमाथि दुर्व्यवहार, आकस्मिक बाहेकका सेवा बन्द गर्ने निर्णय
हेल्थ टिभी अनलाइन : डेल्धुरा अस्पतालका विकास समिति अध्यक्ष करुणाकर ओझामाथि बुधबार दिउँसो दुर्व्यवहार भएको घटनाप्रति अस्पताल प्रशासनले गम्भीर आपत्ति जनाउँदै दोषीमाथि कानूनी कारबाहीको माग गरेको छ।
अस्पतालले जारी गरेको विज्ञप्तिका अन्ुसार पुस २३ गते दिउँसो अस्पतालका अध्यक्ष ओझालाई उनकै कार्यकक्षमा पसी नेकपा बहुमतको नाम लिएका केही व्यक्तिहरूले दुर्व्यवहार गरेका थिए। अस्पताल जस्तो अति संवेदनशिल संस्थामा यस्तो निन्दनीय कार्य हुनु लज्जास्पद भएको भन्दै उक्त समूहलाई कारवाहीको माग गर्दै अस्पतालले विज्ञप्ति निकालेको हो ।
अस्पताल विकास समितिले उक्त घटनाको यथाशीघ्र छानबिन गरी दोषीलाई कानुन बमोजिम कारबाही गर्न सम्बन्धित निकायसँग जोडदार माग गरेको छ। साथै भविष्यमा यस्ता अराजक गतिविधि दोहोरिन नदिनका लागि पनि संघ, प्रदेश र स्थानीय सरकार, प्रशासन, सुरक्षा निकाय तथा नागरिक समाजलाई समेत जिम्मेवार भूमिका निर्वाह गर्न विज्ञप्तिमा अपिल गरिएको छ।
घटनापछि कर्मचारीको मनोबल कमजोर बनेको जनाउँदै अस्पतालले पुस २४ गतेदेखि आकस्मिक सेवा बाहेक अन्य सबै सेवा पूर्ण रूपमा बन्द गर्ने निर्णय गरेको छ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो