६ अशोज २०८२ , सोमवार

४ मन्त्रीले मात्र लिए शपथ, स्वास्थ्यमन्त्रीमा मिश्राको नियुक्ति रोकियो

हेल्थ टिभी अनलाइन : अन्तरिम सरकारमा नियुक्त भएका थप ४ मन्त्रीले आज पद तथा गोपनीयताको शपथ लिएका छन् ।

स्वास्थ्य मन्त्रालयकी पूर्व अतिरिक्त सचिव डा संगीता कौशल मिश्रा सहित ५ जनाको नाम आइतबार बेलुकी राष्ट्रपति कार्यालयमा पठाइएको थियो। डा मिश्राका विषयमा विवाद भएपछि उनलाई सूचीबाट हटाएर अन्य मन्त्रीलाई शपथ गराइएको हो।

प्रधानमन्त्री सुशीला कार्कीको सिफारिसमा परेका चार जना मन्त्रीहरु शिक्षा, विज्ञान तथा प्रविधि मन्त्रीमा महावीर पुन, उद्योग तथा भूमिसुधार मन्त्री अनिलकुमार सिन्हा, सञ्चार, सूचना तथा प्रविधि मन्त्री जगदीश खरेल र कृषिमन्त्री डा मदन परियारले पद तथा गोपनियताको शपथ लिए ।

डा मिश्रा स्वास्थ्य सेवा विभागको महानिर्देशक हुँदा परेको मुद्धामा अख्तियारले छानबिन गरिरहेकाले स्वास्थ्य मन्त्रीमा उनको नियुक्ति रोकिएको जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।