हेल्थ टिभी अनलाइन : प्रधनमन्त्री केपी शर्मा ओलीले निरोगी नेपाल बनाउन जनचेतना जगाउनपर्ने बताएका छन् । प्रदेश स्वास्थ्य मन्त्रालयलले भक्तपुरमा शुक्रबार आयोजना गरेको विशेष कार्यक्रममा उनले यस्तो बताएका हुन् ।

प्रधानमन्त्री ओलीले बागमती प्रदेशलाई पूर्ण खोप सुनिश्चित प्रदेश घोषणा गर्दै खोपले धेरै रोगहरुबाट बचाउने हुँदा निरोगी हुनका लागि यो महत्वपूर्ण भएको जिकीर गरे । उनले नेपालको खोप अभियान सही दिशातर्फ गएको र यसले सकारात्मक परिणाम दिने पनि बताए ।

प्रधानमन्त्री ओलीले पूर्ण खोपयुक्त प्रदेश घोषणा भएकोमा बधाई दिँदै समृद्ध नेपाल, सुखी नेपालीको राष्ट्रिय गन्तव्य प्राप्तिका लागि निरोगी नेपाल अभियान सञ्चालन गरिएको पनि जिकीर गरे ।