हेल्थ टिभी अनलाइन : स्वास्थ्य सेवा विभागका नवनियुक्त महानिर्देशक डा टंकप्रसाद बाराकोटीले आजबाट विभागको जिम्मेवारी सम्हालेका छन् । उनी आज विभाग पुगेर आफनो जिम्मेवारी सम्हालेका हुन् ।

स्वास्थ्य तथा जनसंख्यामन्त्री प्रदिप पौडेलले गत मंगलबार मन्त्रिस्तरीय निर्णय गर्दै डा बाराकोटीलाई विभागको महानिर्देशकको जिम्मेवारी दिएका थिए । यसअघिका महानिर्देशक डा विकास देवकोटा मन्त्रालयको सचिवमा बढुवा भएपछि रिक्त रहेको पदमा १२ औं तहका डा बारोकोटीलाई उक्त जिम्मेवारी दिइएको हो ।

डा देवकोटासँगै डा बाराकोटी र डा संगिता मिश्रााको नाम पनि सचिवको लागि सिफारिसमा थियो । तीनजनामध्ये सरकारले डा देवकोटालाई स्वास्थ्य सचिवमा बढुवा गरेको थियो ।