डा विकास देवकोटा बने स्वास्थ्य सचिव
हेल्थ टिभी अनलाइन : स्वास्थ्य तथा जनसंख्या मन्त्रालयको सचिवमा डा विकास देवकोटा नियुक्त भएका छन्।
सरकारले स्वास्थ्य तथा जनसंख्या मन्त्रालयमा रिक्त रहेको सचिव पदमा डा देवकोटालाई नियुक्त गर्ने निर्णय गरेको हो । बुधबार बसेको मन्त्रिपरिषद्को बैठकले सिफारिस भएका तीन मध्ये डा देवकोटालाई सचिव बनाउने निर्णय गरेको हो ।
सिफारिस समितिले डा देवकोटासँगै, डा संगिता मिश्रा र डा टंक बाराकोटीको नाम सिफारिस गरेको थियो । सिफारिसमा परेका तीनै जना १२ औँ तहका हुन् ।
फागुन १२ मा ५ वर्षे कार्यकाल सकेर डा रोशन पोखरेल अनिवार्य अवकाशमा गएपछि स्वास्थ्यमा स्वास्थ्य समूहको सचिव पद रिक्त रहेको थियो । सोही रिक्त पदमा डा विकास देवकोटालाई नियुक्त गरिएको हो ।
देवकोटा अहिले स्वास्थ्य सेवा विभागमा महानिर्देशकको जिम्मेवारीमा छन् ।
जडीबुटी : नेपालको स्वास्थ्य र समृद्धिको हरित पुँजी
यसकारण खाने गरौं बहुगुणकारी कुरिलो
आत्मदाह प्रयास गरेका गणेश नेपालीको उपचारको क्रममा निधन
६ वटा स्वास्थ्य विज्ञान प्रतिष्ठानमा उपकुलपति नियुक्त
औषधिको सही प्रयोग किन आवश्यक छ ?