३० माघ २०८१ , बुधबार

प्रोस्टेट फाउन्डेसन नेपालको एक दिने सचेतना कार्यक्रम सम्पन्न

हेल्थ टिभी अनलाइन : प्रोस्टेट फाउन्डेसन नेपालले काठमाडौंको मदन भण्डारी मेमोरियल कलेजमा एक दिने प्रोस्टेट सम्बन्धी सचेतना कार्यक्रमको आयोजना गरेको छ ।

उक्त कार्यक्रममा फाउन्डेसनका तर्फबाट कन्सल्टेन्ट यूरोलोजिस्ट डा दीपक रौनियारले सहभागीलाई प्रोस्टेटको बनावट, यसमा आउने समस्या तथा मिर्गौलाजन्य रोगकाबारेमा जानकारी दिएका थिए ।

यसभन्दा अघि पनि विभिन्न संघसंस्थासँग मिलेर फाउन्डेसनले सामाजिक उत्तरदायित्व अन्तर्गत प्रोस्टेट सम्बन्धी जनचेतना जगाउन र रोग लागिहालेमा समयमै उपचार गर्न प्रेरित गर्दै निशुल्क शिविर तथा सचेतना कार्यक्रम गर्दै आएको छ ।

यसपटक भने मदन भण्डारी मेमोरियल कलेजसँग सचेतनामूलक कार्यक्रम गर्ने सम्झौता गर्दै उक्त कार्यक्रम गरिएको हो भने आगामी दिनमा पनि यस्ता कार्यक्रमले निरन्तरता पाउने डा रौनियारले बताए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।