हेल्थ टिभी अनलाइन : ललितपुरको कुपण्डोलमा रहेको आरुस लाइफस्टाइल अस्पतालमा दुई साताको लागि ओस्टियोपोरोसिस शिविर आयोजना गरिएको छ ।

५० वर्ष उमेर पुगेका व्यक्तिहरुका लागि लक्षित गर्दै अस्पतालले हड्डी कमजोर हुने रोग ओस्टियोपोरोसिसबारे माघ ६ गतेदेखि २० गतेसम्म विशेष शिविर राखेको हो । टुटेको हाँगाजस्तै हड्डी कमजोर नबनोस, ओस्टियोपोरोसिस जाँच गरौं भन्ने नाराका साथ राखिएको शिविरमा वरिष्ठ अर्थोपेडिक विशेषज्ञ तथा इन्डोक्राइनोलोजिस्टबाट निशुल्क परामर्श लिन सकिनेछ ।

यसका साथै डेक्सा स्क्यानमा ५० प्रतिशत छुट, ल्याब तथा एक्सरे र अन्य सेवामा समेत २० प्रतिशतसम्म छुटको व्यवस्था गरिएको अस्पतालले जनाएको छ । आफनो नाम दर्ताका लागि अस्पतालका यी नंबरमा 01-5970047, 01-5444358 मा सम्पर्क गर्न सकिने पनि जनाइएको छ ।

अस्पतालले एक महिनाअघिदेखि अर्थोपेडिक तथा ट्रमा विभाग स्थापना गर्दै अर्थो सम्बन्धी विशेषज्ञ सेवा दिन सुरु गरेको छ । यही विशेषज्ञ सेवा अन्तर्गत यो शिविर आयोजना गरिएको हो ।