५ पुस २०८१ , शुक्रबार

कार्यालय समयमा अस्पतालमा नभेटिने डाक्टरलाई कारवाही गर्दै स्वास्थ्य मन्त्रालय

हेल्थ टिभी अनलाइन : स्वास्थ्य तथा जनसंख्या मन्त्रालयले कार्यालय समयमा अस्पतालमा नभेटिने डाक्टरलाई कारवाही गर्ने बताएको छ ।

केही दिन अघि मात्र मन्त्रालयले स्थापना गरेको गुनासो सुनुवाइ इकाई हेल्लो स्वास्थ्य १११५ मा कार्यालय समयमा डाक्टर उपलब्ध नभएको गुनासो आएको भन्दै अटेर गरेको पाइएमा कारवाही गर्न स्वास्थ्य तथा जनसंख्या मन्त्री प्रदीप पौडेलले मातहतका अधिकारीहरुलाई निर्देशन दिएका छन् । यस विषयमा मन्त्रालयले सम्बन्धित सबै अस्पतालमा पत्राचार समेत गरिसकेको छ ।

मन्त्री पौडेलले विद्युतीय हाजिरी अनिवार्य गर्न र आकस्मिक रुपमा कहीं जानै परेमा लगबुकमा रेकर्ड राखेर मात्र जान पनि निर्देशन दिएका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।