१४ अशोज २०८१ , सोमवार

बाढी, पहिरोपछि पानीजन्य रोग बढ्न सक्छ, सचेतना अपनाऔं : स्वास्थ्य मन्त्रालय

हेल्थ टिभी अनलाइन : यतिबेला बिहिबारदेखि शनिबारसम्म अविरल रुपमा परेको पानीसँगै आएको बाढी पहिरोले जनधनको ठूलो क्षति पुराएको छ ।

काठमाडौं उपत्यका लगायतका धेरै स्थानमा बाढी, पहिरोका कारण बाटोहरु अवरुद्ध छन् भने खानेपानीका पाइप तथा पानीका मुहानहरु थुनिएका छन् । जसले गर्दा यो बेला पानीको मुहान फोहोर मात्र भएको छैन् दूषित पनि भएको छ । त्यसैले यस्तो विपदका बेला थप पानीजन्य रोग फैलिनसक्ने भन्दै स्वास्थ्य तथा जनसंख्या मन्त्रालयले सतर्कता अपनाउन आग्रह गरेको छ ।

मन्त्रालयले विज्ञप्ति जारी गर्दै बाढी पहिरोसँगै आउनसक्ने पानीजन्य रोग जस्तै झाडापखाला, हैजा, टाइफाइडबाट बच्न पानी अनिवार्य उमालेर तथा निर्मलीकरण गरेर मात्र पिउन सबैलाई आग्रह गरेको छ । साथै सडेगलेका बासी खानेकुरा नखान तथा सरसफाइमा ध्यान दिन पनि मन्त्रालयले आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।